இறைவன் உதயமாகிறான்

கலைக்கண் கொண்டு சிலையொன்று

எம்முன்னோன் செதுக்கினரோ

வழிவந்தோரெலாம் அக்கலை கண்டு வியந்து

கைகூப்பி தொழுதனரோ

கலைதனை தொழிலாய் கொண்டு

தொழிற்தனில் கடவுளை கண்டனரோ

எம்மக்காள் அம்முதல் இறைதனை ஏற்றனரோ

அண்ட வெளியில் காணாத இறையை

அன்பினில் அடைத்தனரோ

இயற்கையில் காணாத இறையின் வனப்பை

சிலையின் அழகில் புகுத்தினரோ

அவ்வழி இல்லையெனில்

விஞ்ஞான மெய்ஞான வியாக்யான
மெலாம் பேசி எம்மக்காள் 

இறைதனை கண்டனரோ

சாதிசமய தீண்டாமைதனை

இரவல் பெற்ற அறிவைகொண்டு

எம்குல மக்காள் எங்ஙன்ம் வகுத்தனரோ

இதில் எங்ஙகனம் இறைதனை படைத்தனரோ

பெருவுடையான்